(1917) Un descursu del gaiteru

link

-Siñoras y siñores:-
Hoy non voy á falar de los primores del quorum arquitipu que fablicó un sabiondo forasteru; nin falaré del hipu, nin de les xirigoncies del dineru; hoy quiero mesmamete facevos ver que Grisul y Masquino y Mirlin y Morante y Febo y Clarimundu y Andarico y Tirante y tos los caballerus que fueron en el mundu nin tocaben zamploñes nin tocaben xiblatus, que los muy puñeflerus tocaben gaites, pa pasar los ratus.
¡Ah... pensiaran vustedes que voy tusir, pa fer lo qui aseguru y asin me salve Dios, n' hay nada d'eso... Non me voy á llanciar en un apuru; mialma que la custión non ye de pesu. Serán los mesmos libres los que farán surdir con evidencia que la cencia... la cencia en alta voz proclama que no hay sidre meyor... M'he equivocadu; desimulen ustés la concedencia y seguiré el descurso encomenzadu.
Decíe, pues, siñores que'l rellatu siguiente que se llée 'n Amodis, puntu por puntu servíe mesmamente com' una lluz eléutrica 'n e'l asuntu:
"E hoyo una vegada un bravonel capitoso é delado, que fizo abajamiento..."
Que tal? ¿Qué tal, siñores? ¿non ta más claro que la lluz del día? ¿Non dice ese rellatu que esi Amodis de gaites entendía? Mialma que aquí la gaita non s'apunta pero arresplan de bien mialma la mía y dende la "vegada" se abarrunta que de les gaites non se dixo nada porque el autor de libru suponía que ustés les vieren dende la "vegada".
Otru datu pa'l casu y tamus fuera del deficil pasu:
"E era Espadian en hostelaje; é dixo: -¡guay, ladrón!"
Ya ta claru de afecho tou'l asuntu: -esi guay que á ladrón ta como xuntu ¿ye guay, ó non lo ye? ¡ye xuro á Bacu! ¿y que fai esi guay en esti puntu si non se me asegura que ye una gaita 'n una abreviadura? ¿Y el ladrón? ¿Y el ladrón? ¿non ta sabio que fai poco entavía y entavía 'n el tiempu de mio güelu todu aquel que de gaites non sabía decíele ladrón al xiringüelu?
Y si á Espadian la gaita le gustaba ¿pa qué negar entos que la tocaba Bravones y Lizarte? ¿pa qué que la tocaba Pasaronte? ¿Pa qué que Felixmarte? ¿pa qué que Magaronte?
Y tremino, siñores; ya no más les molesto ya cumplí mió caprichu. Tremino, pues, con esto y vayan á Payret... porque ya
He dichu.